“Ju bëftë mirë” Basha ironizon Spiropalin: Afroje pak kamerën se nuk e shoh Kosovën

Kryetari i Partisë Demokratike Lulzim Basha ka ironizuar sot gjatë fjalimit në Kuvend, ministren e Shtetit për Marrëdhënien me Parlamentin Elisa Spiropali përsa i përket progresit të Shqipërisë.

Teksa Spiropali citoi progres-raportin e Këshillit Europian, Basha iu përgjigj me një tjetër të tillë që rendit Shqipërinë mes vendeve si Egjipti dhe Mozambiku.

Pikërisht me këtë renditje ka të bëjë dhe ironia e Bashës. Kreu i PD-së i kërkoi kamerave të afron pasi nuk po shihte Kosovën apo Maqedoninë e Veriut në renditje por vetëm vendet e botës së tretë.

“Afroje pak kameran se nuk po shoh as Kosovën, as Maqedoninë dhe as Malin e Zi. Afroje pak ta shohim më mirë. Këtu shoh Benin, Egjipt, Zambia dhe Mozambik. Kështu që nëse ju e konsideroni këtë rajonin e ri, ju bëftë mirë hallva ne Egjipt!”, tha Basha.