“Janë shumë të fuqishëm” Gazetari zbulon detaje për grupin e rrezikshëm në Tiranë dhe Vlorë

Gazetari i kronikës Elton Qyno ka treguar detaje në lidhje me dosjen e Prokurorisë së Vlorës dhe Tiranës për një grup kriminal që vepronte të paktën në këto 2 qytete.

Ai u shpreh se një nga tre personat që po hetohen është dhe një ish-efektiv që ka punuar si IT në Vlorë dhe ka rezultuar si i implikuar në një nga grupet kriminale më të rrezikshme në Vlorë.

Qyno shtoi se këto personazhe janë shumë të fuqishme në Tiranë dhe në shumë qytete të tjera. Këta janë përfshirë në shumë vrasje kriminale në Tiranë dhe Vlorë, më 3-4 viktima.

“Ka një dosje që është hetuar nga prokuroria e Vlorës dhe më pas ka kaluar në Tiranë, sepse bëhet fjalë për një grup kriminale që vepron në Vlorë, por edhe në Tiranë. Një nga 3 personat që po hetohet është një ish-polici që ka punuar si IT në polici. Ai doli i implikuar në një nga grupet kriminale më të rrezikshme në Vlorë dhe merrte informacione për një personazh të botës së krimit dhe ia kalonte grupit që bashkëpunonte. Roli i tij ka qenë për të dhënë informacione, duke i marrë nga policia, si dhe duke përdorur një agjenci turistike në zonën e Myslym Shyrit.

Dosja është ndarë në dy pjesë ku disa të akuzuarit po mbahen në Vlorë, dhe nga ana tjetër kemi një çështje tjetër në prokurorinë e Tiranës, dhe pritet që të merren të pandehur shumë shpejt ky polici, punonjësja e agjencisë turistike dhe i fejuari saj që akuzohen për sigurimin e informacioneve për vrasjen e një personi tjetër.

Këto personazhe janë shumë të fuqishme në Tiranë dhe në shumë qytete të tjera. Këta janë përfshirë në shumë vrasje kriminale në Tiranë dhe Vlorë, më 3-4 viktima. Ka dy grupe që veprojnë në Vlorë dhe Tiranë. Ai i Tiranës është më i fuqishëm nga ana ekonomike. Grupi i Vlorës është më agresiv dhe hidhët me shpejt në sulm me armë”, tha Qyno për Ora News.