LIGJET E BIZNESIT
Sot kryeministri Edi Rama ndodhet për një vizitë në Egjipt.
Ai është pritur nga homologu Moustafa Madbouly, ku bashkë kanë nënshkruar dhe 3 marrëveshje të rëndësishme.
Pas takimit, Madbouly ka treguar më shumë detaje në lidhje me atë që bisedoi me Ramën.
“Në takimin tonë së bashku sot diskutuam mënyra për të rritur, për të forcuar marrëdhëniet mes kombeve tona dhe diskutimet tona u përqendruan në fusha të ndryshme përfshirë turizmin, energjinë, tregtinë dhe kulturën. Gjithashtu shkëmbyem edhe pikëpamje për çështje ndërkombëtare, diskutuam dhe mbledhjen e seancës së parë të Komitetit për bashkëpunim teknik shkencor e kulturor që do të bëhet në kryeqytetin Tiranë muajin tjetër.
Jam besimplotë se ky takim do të jetë kuadër mbështetës për marrëdhëniet tona dhe do të nxitë bashkëpunimin për ekonominë dhe investimet. Theksova dhe rëndësinë e ngritjes të një komisioni të përbashkët të Këshillit të biznesit të Shqipërisë dhe atij të Egjiptit me përfaqësues të Federatës të dhomave të tregtisë dhe industrisë. Natyrisht kjo do të inkurajojë që të vijojmë marrëdhëniet më tej. Në fund të bisedimeve tona, arritëm nënshkrimin e 3 marrëveshjeve që përfshijnë një sërë aspektesh të bashkëpunimit kulturor. Egjipti pret me padurim që të ndërtojë më tej, të forcojë marrëdhëniet tona dhe të rritë bashkëpunimin dypalësh”, ka deklaruar numri një i qeverisë egjiptiane.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
