Qeveria australiane perëndimore ka ofruar një shpërblim prej 1 milion dollarësh australianë (750,000 dollarë) për informacionin i cili çon në vendndodhjen e një vajze 4-vjeçare të humbur prej gjashtë ditësh në një zonë të largët bregdetare.
Cleo Smith u zhduk nga tenda e familjes së saj në kampin Bloëholes në Macleod, rreth 50 kilometra (30 milje) në veri të qytetit të Carnarvon, në orët e para të mëngjesit të kësaj të shtune.
Që prej asak kohe, ekipet e kërkimit kanë pastruar terrenin dhe detin aty pranë, por deri më tani ata nuk kanë gjetur asnjë shenjë të fëmijës apo çantës së saj të gjumit, e cila ishte në ngjyrë të kuqe dhe të zezë.
Detektivët shprehen se ata kanë “shqetësime të mëdha” për sigurinë e Cleo, pasi besojnë se zinxhiri për të hapur tendën ishte shumë i lartë për ta arritur – duke treguar se ajo mund të jetë rrëmbyer.
Kryeministri i Australisë Perëndimore Mark McGoëan dhe Ministri i Policisë Paul Papalia njoftoi shpërblimin, i cili do të jepet për informacion që rezulton në gjetjen e Cleo, ose që çon në arrestimin dhe dënimin e personit ose njerëzve të përfshirë në zhdukjen e saj.
Ata thanë se “po luteshin për një rezultat sa më pozitiv”.
