Historia rrëqethëse/ Tërmeti e “dëbon” nga shtëpia, ja si ia dëmtuan banesën 3 goditje të fuqishme lezhjanes brenda vitit

Në qytetin e Lezhës ende janë të dukshme pasojat e tërmetit të 26 nëntorit 2019.

Por kujtojmë se kjo zonë u godit dje në mbrëmje nga një tjetër lëkundje 4.5 ballë e shkallës Rihter.

Njëra prej banoreve Shaqe Lekaj, ka treguar historinë e saj rrëqethëse.

Ajo rrëfen se tërmeti i fundit ishte i treti brenda këtij viti dhe se nga frika e shembjes së shtëpise, e ka kaluar natën jashtë, pasi prej dy vitesh është shpallur e pabanuar.

Frika nga tërmeti  ka bërë që sot ajo të largojë ato pak mobilje nga shtëpia për t’u zhvendosur pranë motrës së saj. Shaqe apelon për ndihme që t’i ndërtohet sa më shpejt shtëpia, pasi çdo ditë jeton me frikën se gërmadhat do ta zënë brenda.