Greqia në zi/ Ndahet nga jeta para kohe politikania e njohur, vuante nga një sëmundje e rëndë

Një lajm i hidhur cilësohet ai që ka ndodhur së fundmi në Greqi.

Mësohet se politikania e njohur Fofi Gennimata ka ndërruar jetë në moshën 56-vjeçare.

Sipas mediave vendase, ajo vuante prej kohësh nga sëmundja e kancerit dhe pas një beteje të gjatë nuk arriti dot ta mposhtte.

Ndërsa me vendim të këshillit të ministrave, e mërkura është shpalur në ditë zi kombëtare në nder të politikanes së ndjerë.

Ish-kryeministri grek George Papandreu ka shkruar një mesazh ngushëllimi për ndarjen nga jeta të Fofi Gennimata, përkrah fotos së saj:  Ju jeni gjithmonë pranë nesh”.