Gjatë gjithë kohës duar të ftohta? Ja cilat probleme shëndetësore mund të tregojnë

Kur temperatura e ajrit mund të jetë e ulët, është mëse normale që duart tona të jenë të ftohta. Megjithatë, në qoftë se duart tona janë vazhdimisht të ftohta dhe nuk i ngrohim dot në asnjë mënyrë, problem mund të jetë qarkullimi i dobët i gjakut, por edhe shumë sëmundje të tjera të rënda.

Ndryshimi i ngjyrës së lëkurës së duarve dhe mpirja janë një ndër sinjalet e detyrueshme për një kontroll të imtësishëm tek një mjek.

Mund të ketë shumë arsye. Mjekët rekomandojnë që, fillimisht, të hiqni dorë nga shprehitë e këqija, siç është pirja e duhanit.

Filloni të merreni me sport dhe dëgjoni të gjitha rekomandimet e mjekut.
Monitoroni presionin e gjakut dhe nivelet e kolesterinës, këshillojnë mjekët. Në vijim sjellim disa nga problemet më të zakonshme shëndetësore të treguara nga duart e ftohta:

Anemia
Në qoftë se ndiheni të dobët, të lodhur, keni dhimbje koke dhe duart tuaja janë kronike të ftohta, mund të keni mungesë hekuri në gjak.

Gjëndër tiroide
Hipotiroidizmi, apo funksioni i ngadalësuar i tiroides, çon në një ngadalësim të metabolizmit, i cili rezulton në ekstremitete të ftohta ose një ndjenjë të ftohtësisë.