Europa goditet nga “apokalipsi i erës”/ Çatitë e shtëpive shkulen nga vendi, pemët fluturojnë në ajër

Pas erërave të fuqishme që përfshinë veriun e Francës, mijëra familje mbetën pa energji elektrike dhe trenat ndaluan qarkullimin nga Normandia drejt Parisit.

Gjithashtu një situatë e ngjashme ndodhi dhe në Holandë e Belgjikë.

Për pasojë katër persona mbetën të lënduar në Barendrecht, ku erërat e fuqishme shkulën çati shtëpish dhe pemë në orët e para të ditës.

Stuhia nisi duke goditur brigjet e Bretanjës në Francë, me skena të njëjta si ato në Holandë.

Shërbimi francez i metereologjisë dha alarmin sidomos për rajonet që ndajnë kufijte me Gjermaninë, Belgjikën e Luksemburgun. Në Normadi, era sipas ekspertëve, arriti shpejtësinë e gati 200 km/h.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Operatori i rrjetit hekurudhor te Gjermanise, Deutsche Bahn pezulloi lëvizjen e të gjithë trenave të distancave të gjata në Vestfalinë Veriore, ndërsa vonesa e anulime të lëvizjes pati dhe në pjesë të tjera të vendit.

Gjithashtu në qytetin belg, Ëesterhoek, punonjësit e ndërhyrjes së shpejtë thanë se kanë marrë dhjetëra telefonata për dëme dhe probleme nga stuhia.