E rëndë/ U godit me thikë gjatë një takimi elektoral, ndërron jetë deputeti. Policia arreston autorin

Pas sulmit me thikë që iu bë në një takim elektoral, deputeti konservator në Britaninë e Madhe Sir David Amess ka ndërruar jetë.

Sipas mediave vendase, policia ka vënë në pranga autorin e dyshuar.

Sky Neës raportoi fillimisht se Amess, i cili ka përfaqësuar Southend West në Essex që nga viti 1983, u qëllua në kishën metodiste Belfairs në Leigh-on-Sea teksa ndodhej në aktivitetin elektoral.

Stafi në zyrën e deputetit 69-vjeçar tha se ata nuk dinin detaje të mëtejshme dhe po prisnin përditësime.

Në një deklaratë të shkurtër, policia e Essex bëri me dije se një burrë ishte arrestuar pas këtij incidenti në Leigh-on-Sea.