E rëndë në Poliçan/ Gruaja i jep fund jetës duke u vetëhelmuar, policia jep detajet e para

Një ngjarje tronditëse ka ndodhur sot në Poliçan.

Bëhet fjalë për një 69-vjeçare, e cila dyshohet se është vetëhelmuar me pesticide dhe është gjetur nga familjarët brenda në banesë.

Sipas policisë, shtetasja me iniciale V.K është dërguar me urgjencë në spital, por fatkeqësisht ka ndërruar jetë rrugës.

NJOFTIMI ZYRTAR I POLICISE:

Berat/Informacion paraprak:

Sot, rreth orës 14:45, në fshatin Kapinovë, Poliçan është gjetur në banesë në gjendje të rëndë shëndetësore nga familjarët, dyshohet të jetë vetëhelmuar me pesticide, shtetasja V.K., 69 vjeçe, e cila gjatë transportimit me autoambulancë për në Spitalin Rajonal Berat, ka humbur jetën.

Grupi hetimor po punon për zbardhjen e ngjarjes.