Ditën e sotme, në studion e emisionit me “Zemër të Hapur” të gazetares Evis Ahmeti, në Neës24, u trajtua historia tragjike e familjes Braho.
E moshuara rrëfeu historinë e vështirë me të cilën është përballur, duke akuzuar nusen e djalit se konsumonte drogë dhe braktisi dy fëmijët e saj.
Flutura: Unë kam pasur një jetë të vështirë, njëri nda djemtë më vdiq ma vranë, ndërsa djali tjetër Agroni që sot është në burg, ka pasur një jetë tragjike, ai më drogohej dhe vuante nga probleme të shëndetit mendor. Agroni bashkëjetonte me një femër tjetër, e cila kishte edhe një lidhje paralele. Agroni konsumonte lëndë narkotike së bashku me këtë gruan dhe herë jetonte me atë dhe herë vinte në shtëpi. Agroni shkonte jetonte me atë, ajo e kishte një fëmijë me dikë tjetër dhe ishte shtatzënë dhe donte t’ia rraste këtë fëmijë Agronit. Por Agroni e kuptoi dhe i pati thënë që mami e ka kuptuar. Mirëpo me Agronin ka dy fëmijë, njëri 3 vjeç, dhe tjetri 2 vjeç. Ja mbajta të dy fëmijët dhe nuk munda dot, në 30 dhjetor m’u plaçkit banesa dhe më hodhën sprait, i ka bërë Liljana, kjo grua me të dashurit e saj.
Agroni hyri në burg, sepse kërkonte të konsumonte drogë, 17 gram me dy qese. Ja ka bërë gruaja e vet, ajo ka futur edhe një burrë tjetër, ajo donte ta fuste Agronin me se s’bën brenda, pasi ajo shkonte me shumë burra. Ajo edhe dy fëmijët pas 1 viti i braktisi të dy, djali në karrocë dhe vajza në rrugë, vajta unë te rajoni dhe pashë që fëmijët ishin gjetur nga banorët, të cilët i sollën te mua. Por fëmijët mund të shtypeshin nga makina në mes të rrugës, unë edhe kur policia më tha që t’i merrnin, unë nuk kisha besim as te policia. Fëmijët i mora unë dhe i dorëzova pas pak ditësh, fëmijët sot janë në Shkodër në jetimore. Ajo bashkëjetuese e djalit më ka hyrë edhe brenda banesës dhe më ka terrorizuar. Unë kërkoj t’i marr fëmijët në kujdestari, atë e akuzoj për braktisje. Unë i çova te shtëpia e fëmijës, për një periudhë kohe, i marr shpesh dhe kujdesem për ta, kam pyetur drejtoreshën nëse i kanë bërë vaksinat apo jo.
