“Do të ndodhë së shpejti” Kryeministri Rama jep lajmin e mirë nga Egjipti

Në konferencën e përbashkët me homologun egjiptian Moustafa Madbouly, kryeministri Edi Rama u shpreh se së shpejti do të vendoset linja direkte ajrore Kairo-Tiranë.

Ai tha se kjo gjë do të ndihmojë shqiptarët që të bëjnë pushime në Egjipt.

“Shifrat e tregtisë janë modeste ndërkohë që kemi potencial. Marr me vete premtimin për të vendosur linjën e drejtpërdrejtë Kairo-Tiranë. Nga pala jonë avionët nuk do të jenë kurrë bosh. Do të ndihmojë shumë shqiptarë që duan të bëjnë pushimet këtu.

Dua t’ju falenderoj dhe dua ta përmbyll me dëshirën që ajo çka është tipari më i çmuar i Egjiptit, kultura juaj do të jetë bazë për bashkëpunimin tonë në fushën kulturore. Besojmë që kemi çka t’ju tregojmë juve. Por ju keni shumë  gjëra për t’u treguar njerëzve tonë. Le të shohim nga e ardhmja. Ka pasur një arsye që historia na ka lidhur fort” -tha ai.