Dhjetëra persona sulmuan burgun me armë dhe shpërthyen dinamit në mure, ia mbathin 800 të burgosur  

Dhjetëra persona të armatosur sulmuan një burg në Nigerinë jugperëndimore në shtetin Oyo dhe mundësuan arratisjen e 800 të burgosurve. Lajmin e ka bërë të ditur shërbimi shtetëror i burgjeve.

Shërbimi i burgut deklaroi se sulmuesit ishin “të armatosur rëndë me armë të sofistikuara” dhe se pasi shkëmbyen zjarr me oficerët e burgut, ata hynë në oborrin e burgut duke fryrë muret me dinamit.

Sipas Reuters, rreth 575 të burgosur u arratisën, ndërsa 262 arritën të arrestoheshin.

Olanrewaju Anjorin, një zëdhënës i burgut Oyo në shtetin nigerian me po të njëjtin emër, konfirmoi më herët se sulmuesit e armatosur sulmuan objektin e burgut mbrëmjen e kaluar dhe se një hetim për incidentin ka filluar, që do të zbulojë dimensionin e plotë të dëmit.

“Unë nuk mund të përcaktoj numrin e njerëzve që u arratisën ose u kapën, por mund të konfirmoj që rrjeti i sigurisë rreth burgut është forcuar edhe në qytet”, tha një zëdhënës i burgut.