DETAJET/ Sherri nis në mëngjesore, dy mësueset u përfshinë në konflikt, familjarët erdhën në ndihmë

Të tjera detaje dalin në dritë në lidhje me ngjarjen e rëndë që terrorizoi sot banorët pranë shkollës “Çajupi” në kryeqytet, ku disa persona u konfliktuan me njëri-tjetrin. Ngjarja ndodhi rreth orës 08:30 në një mëngjesore.

Balkanweb se sherri kishte nisur mes dy mësuesve të shkollës së mesme, të cilat ndodheshin në këtë biznes dhe më pas konfliktit i janë bashkuar edhe të afërmit e tyre, për të vijuar gjatë mëngjesores.

Ndonëse përplasja si fillim kishte qenë verbale, personat në fjalë nisën që të konfliktoheshin me sende të forta dhe për pasojë 4 prej tyre përfunduan me lëndime në spital. Po ashtu një prej këtyre personave, pasi kishte kërcënuar disa herë, kishte nxjerrë një pistoletë dhe kishte qëlluar disa erë në ajër. Kjo skenë ka shkaktuar panik te banorët, ndërkohë që zona është mjaft e populluar për shkak edhe të bizneseve që gjenden përgjatë rrugës, por edhe të orarit ku në shkollë kishte nisur edhe mësimi dhe kishte prani të nxënësve.

Fatmirësisht për parandalimin e përshkallëzimit të situatës ka ndërhyrë policia, e cila bëri dhe shoqërimin e dy personave në komisariat. Po ashtu u sekuestrua dhe arma e zjarrit.