Kompania farmaceutike Merck & Co ka njoftuar se janë përgjysëmuar shtrimet në spital dhe vdekjet tek njerëzit e infektuar, kjo si pasojë e efektit poziti të ilaccit eksperimental të prodhuar nga kjo kompani.
Së shpejti, pritet që Merck & Co, t’i kërkojë zyrtarëve shëndetësorë të SHBA-së dhe në mbarë botë, autorizimin për përdorimin e medikamentit të ri të prodhuar.
Nëse miratohet, ilaçi i firmës Merck do të ishte pilula e parë që do të përdorej për të trajtuar COVID-19, një hap potencialisht i madh në përpjekjet për të luftuar pandeminë, thotë VOA.
Të gjithë llojet e trajtimit dhe terapitë kundër Covid-19, të cilat janë autorizuar tashmë nga Shtetet e Bashkuara, kërkojnë një injeksion intravenoz.
Sipas Merck dhe partnerit të saj Ridgeback Biotherapeutics, medikamenti i prodhuar prej tyre, i quajtur “molnupiravir, Brenda pesë ditëve të para të shfaqjes së simptomave të koronavirusit, ka ulur me rreth 50% shanset për t’iu nënshtruar trajtimit në spital apo për të humbur jetën. Kjo e krahasuar me pacientët që morën një pilulë fallco.