I duket surreale. Në mbrëmje, kishte në vathën e vet të agroturizmit plot 700 rosa. E kur mëngjesin e sotëm shkon të kujdeset për to për tu hedhur ushqim, nuk kishte mbetur asnjë, vendi ishte bosh.
Këtë radhë në newsbomb.al vjen denoncimi i biznesmenit Ardian Bakiu që thotë se gjatë natës në Divjakë, në Rezervuarin e Mizës në agroturizmin me të njëjtin emër janë vjedhur plot 700 kokë rosa, një dëm kolosal për biznesin.
Ai pretendon se ato janë vjedhur gjatë natës, pasi mbrëmjen e djeshme të gjitha ishin aty. “Më këputën në mes. Dëmi është shumë I madh” thotë Ardian Bakiu për newsbomb.al.
E ndërkohë, përpara se policia të kryejë procedurat, biznesmeni ka një shpresë nëpërmjet denoncimit në media nëse dikush I ka parë apo kërkon të thotë diçka duke u lidhur me vetë atë./Newsbomb/
