Eksperti i armëve, Bryan Carpenter për New York Post, thotë se aktori i famshëm Alec Baldwin ka shkelur rregullin numër një për sigurinë e armëve.
“E mbushur apo jo, një armë edhe nëse je në skenë nuk i drejtohet kurrë një njeriu tjetër”, tha ai.
Aktori e kishte drejtuar armën ndaj një qenie tjetër njerëzore, shtoi ai.
Alec Baldwin rrezikon gjithashtu pasoja për vrasjen aksidentale të drejtoreshës së fotografisë Halina Hutchins, jo në rolin e tij si aktor që ka qëlluar, por si një nga producentët e filmit. Sipas disa ekspertëve ligjorë të cituar nga mediat amerikane, ai nuk ka gjasa të akuzohet për vrasje me qëllim pasi nuk e dinte se arma ishte e mbushur.
Edhe pse aktori është producenti kryesor, hetimet mund të zbulojnë se producentët e tjerë kanë ulur pragun e sigurisë dhe për këtë arsye janë përgjegjës. Cilido qoftë skenari, do të jetë një makth ligjor për Baldwin.
