Aksident tragjik/ Makina përplas kalimtarin, dërgohet në spitalin e Traumës (EMRI)

Mbrëmjen e sotme një aksident tragjik ka ndodhur në aksin rrugor Tapizë- Thumanë.

Mësohet se mjeti me drejtues shtetasin A.K 28 vjeç ka përplasur një këmbësor.

I plagosuri është identifikuar si Xhelson Gabili, 21 vjeç dhe është dërguar me urgjencë në Spitalin e Traumës në Tiranë, ku ndodhet në gjendje të rëndë shëndetësore.

Policia ka mbërritur në vendngjarje dhe po punon për zbardhjen e rrethanave të aksidentit.

NJOFTIMI ZYRTAR I POLICISE:

Me datë 21.10.2021, rreth orës 18:15, në aksin rrugorë Tapizë-Thumanë, mjeti me drejtues shtetasin A. K., 28 vjeç, ka aksidentuar shtetasin Xh. K., këmbësor, i cili ndodhet nën kujdesin e mjekëve.

Drejtuesi i mjetit është shoqëruar në Polici për veprime të mëtejshme.

Grupi hetimor ndodhet në vendngjarje për sqarimin e rrethanave të aksidentit.