“Vjen në Shqipëri shkolla e famshme” Rama ndan lajmin për të rinjtë: Nuk do lëvizni nga atdheu

Kryeministri Edi Rama ka ndarë sot një lajm të mirë për të gjithë të rinjtë.

Ai njofton se në Shqipëri ka mbërritur shkolla e famshme e Silicon Valley, Holberton School.

Kreu i qeverisë shton se tashmë do të hapet një kapitull tjetër në edukimin e të rinjve me teknologjinë, ndërsa do të sigurohet një punësim cilësor në tregun global të botës online, pa qenë fare të detyruar të lëvizin nga vendbanimi i tyre në atdhe.

MESAZHI I PLOTE:

“LAJM I BUKUR PËR TË RINJTË

Në vazhdën e përpjekjes për të çelur një kapitull krejt të ri në edukimin e të rinjve me teknologjinë, duke krijuar kushte e mundësi që #Shqipëria2030 të jetë kampione në rajon për hapësirën digjitale dhe t’ju sigurojë të rinjve perspektivën e një punësimi cilësor në tregun global të botës online, pa qenë fare të detyruar të lëvizin nga vendbanimi i tyre në atdhe, sapo ka ardhur në vendin tonë shkolla e famshme e Silicon Valley, Holberton School, e cila ka hapur edhe faqen e aplikimeve nga Shqipëria. Mandati i Tretë do të jetë faza e kalimit drejt një niveli krejt tjetër në edukimin digjital për fëmijët e të rinjtë”.

View this post on Instagram

A post shared by Edi Rama (@ediramaal)