VIDEO/ Angela Merkel mbërrin në Beograd, presidenti Vuçiç del e pret me lule në dorë në aeroport

Pasditen e sotme kancelarja e Gjermanisë Angela Merkel ka mbërritur në kryeqytetin e Serbisë, Beograd.

Ajo është pritur në aeroport nga presidenti Aleksandër Vuçiç.

Ky i fundit mbante një buqetë me lule në duar.

Pas takimeve në Beograd, kancelarja Merkel do të zhvillojë nesër një vizitë zyrtare në Tiranë. Sipas axhendës së publikuar nga zyra e shtypit e Kryeministrisë, në orën 10:20 do të zhvillohet ceremonia e mikpritjes në Pallatin e Brigadave.

Në orën 10:30 do të zhvillohet takimi kokë më kokë mes Kryeministrit Edi Rama dhe Kancelares Angela Merkel në Pallatin e Brigadave.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në orën 11:00 do të zhvillohet takimi bilateral mes dy delegacioneve në Pallatin e Brigadave. Në orën 11:50 parashikohet mbërritja e Kryeministrit dhe krerëve të qeverive të Ballkanit në Tirana Business Park, ndërsa në 11:55 do të jetë mbërritja e Kancelares Merkel në Tirana Business Park.

Në orën 12:00 do të realizohet Foto Familjare me krerët e delegacioneve në Tirana Business Park. Në orën 14:35, Kryeministri Rama dhe Kancelarja Merkel do të japin një konferencë për shtyp po në ambientet në Tirana Business Park.