Një vajzë 20-vjeçare është plasur me armë zjarri në qendër të qytetit të Vlorës, mesditën e sotme .
Mësohet se e reja bashkë me një djalë janë ulur në një lokal për tu sqaruar, por biseda ka degjeneruar në sherr.
Djali e ka tërrhequr zvarrë vajzën dhe më pas ka shtënë me armë në drejtim të saj duke e plagosur në këmbë.
Ai ka hedhur dhe një granatë e cila nuk ka plasur dhe ndodhet në lokal.
Policia njofton se ka arrestuar autorin dhe i ka sekuestruar armën.
Njoftimi
Plagosi me armë zjarri një 20 vjeçare, falë reagimit në kohë kapet dhe arrestohet brenda pak minutash autori i dyshuar i ngjarjes.
Sekuestrohet një armë zjarri pistolet dhe 2 granata dore.
Më datë 25.09.201, rreth orës 12:05, në vendin e quajtur “Bar Cacai”, lagjia “28 Nëntori”, Vlorë është plagosur me armë zjarri shtetasja K.Z, 20 vjeçe lindur në Berat, student në Vlorë, e cila është shoqëruar për në spital për ndihmë mjeksore, momentalisht jashtë rrezikut për jetën.
Falë reagimit të mejëhershëm të shërbimeve të Policisë është bërë e mundur kapja dhe arrestimi në flagrancë i autorit të dyshuar të ngjarjes, shtetasi Fadil Nikaj, 30 vjeç, banues në Shkodër.
Në cilësinë e provës materiale Policia gjeti dhe sekuestroi armën e krimit me të cilën dyshohet se autori ka kryer plagosjen, një grantë dore në ambientet e lokalit si dhe gjatë kontrollit fizik të ushtruar në cantën e autorit iu gjetë dhe sekuestrua një granatë e dytë.
Grupi hetimor ngodhet në vendngjarje dhe nën drejtimin e Prokurorisë së Rrethit Gjyqësor Vlorë po vijon punën për zbardhjen e rrethanave të ngjarjes.
