LIGJET E BIZNESIT
Ministri i Shëndetësisë në Maqedoninë e Veriut, Venko Filipçe, ka njoftuar se i ka propozuar kryeministrit Zoran Zaev dorëheqjen nga posti i tij, si pasojë e zjarrit që përfshiu spitalin e Tetovës.
Dorëheqja e tij vjen pas tre dorëheqjeve paraprake pasditen e kësaj të premteje, atë të dy drejtorëve të spitalit të Tetovës dhe zëvendësit të tij, Ilir Hasani.
Edhe Filipçe , njësoj si kolegët e tij që dhanë dorëheqjen, e justifikon atë me përgjegjësitë morale që mban si ministër për tragjedinë që ndodhi në spitalin e Tetovës.
Përmendim se para 2 ditësh në spitalin e Tetovës humbën jetën 14 pacientë të shtruar me koronavirus në spitalin modular të Tetovës, si shkak i rënies së zjarrit në objekt.
Prokuroria ka nisur hetimet për ngjarjen tragjike, ndërsa deri më tani dyshohet se zjarrin e shkaktoi shpërthimi i një bombole oksigjeni.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
