Tirana me ngjyrat e flamurit amerikan, Kim: Jam e prekur, s’mund të kërkojmë një mik më të mirë se Shqipëria

Në 20-vjetorin e sulmit terrorist mbi kullat në Nju Jork, Tirana ka vendosur të përkujtojë sakrificat e atyre që humbën jetën në atë 11 shtator duke projektuar mbi kolonat tek Rektorati dhe Akademinë e Arteve ngjyrat e flamurit amerikan.

Ambasadorja amerikane Yuri Kim thotë se është prekur nga ky gjest dhe shton se askush nuk mund të kërkojë një mik më të mirë se Shqipëria.

“E prekur të shoh qytetin e Tiranës të ndriçuar me “Yje dhe Vija” për nder të 11 Shtatorit. Shtetet e Bashkuara janë mirënjohëse për miqësinë dhe solidaritetin e popullit të Shqipërisë. Askush nuk mund të kërkojë një mik më të mire”, shkruan ambasadorja Kim.