Kancelarja gjermane, Angela Merkel do të mbërrijë sot pasdite në Serbi, por të gjithë do t’i kenë sytë nga veshja e saj, nga e cila do të kuptohet edhe toni i përmbajtjes së fjalëve të saj.
Merkel është gjithmonë e veshur njësoj; pantallona të thjeshta, një xhaketë me tre kopsa, një gjerdan dhe këpucë të sheshta. Madje dhe stilisti i famshëm i modës Karl Lagerfield e përshkroi stilin e saj si “ok”.
Por Merkel ndryshon vetëm ngjyrat e xhaketës, varësisht se ku shkon, kë takon atë ditë dhe për çfarë do të flasë. Ngjyra vjollcë është për takime më pak formale, aty ku nuk ka shumë vështirësi.
Merkel shpesh vesh rroba në të kuqe dhe të verdhë për raste “të brendshme”, domethënë kur është në Gjermani.
Beige dhe e bardhë, vesh kur dëshiron të dërgojë një mesazh paqeje…
Blu kur duhet të duket serioze, por jo e rreptë si mund të ngjajë në të zezë.
Ndërsa jeshilja është ngjyra e optimizmit, por edhe qetësia, ekuilibri.
Kur Anxhela vishet me të zeza, vendi pritës nuk e ka punën mirë. Të paktën kështu ka provuar karriera e saj 16-vjeçare si kancelare. /dosja
