Deputeti i Partisë Demokratike Agron Gjekmarkaj ka treguar arsyen se përse deputetët qeshën në sallë me kolegun e tyre Sajmir Korreshi.
Ai tha se ishte një e qeshur kënaqesie dhe jo talljeje, pasi sipas tij fjalimi i deputetit të Lushnjes iu pëlqeu të gjithëve.
“Ka dy të qeshura, një e qeshur se diçka të pëlqen dhe një e qeshur, kur do ta tallësh ta përqeshësh një gjë. Dhe fjalimi në rastin e zotit Korreshi ishte një e qeshur kënaqësie, sepse na pëlqeu të gjithëve ajo që ai tha me një sens të fortë humori dhe ishte e pamundur ti rezistoje të qeshurës. Nuk ishte përçmuese. Përçmuese ishte e qeshura që na kapi më vonë, kur folën ministrat e qeverisë”, u shpreh Agron Gjekmarkaj.
“Këtu u tha se këtu kemi bërë shëndetësinë jashtëtoksore. Po hajde njëherë në spitalin e Lushnjës, të del miu nga këmbët e nuk din ku të vesh. Ju jetoni në ëndrra. Thoni se do bëni shkolla por nuk kemi më nxënës se të gjithë fëmijët kanë ikur”, tha Korreshi në Kuvend.
