LIGJET E BIZNESIT
Pas sherrit të mbrëmshëm në programin “Open” ku u përplas me analistin Dritan Hila, ka ardhur dhe reagimi i gazetarit Enton Abilekaj.
Hila akuzoi Abilekajn se mban krahun e opozitës, ndërsa sipas tij “edhe shtëpinë ia ka blerë Partia Demokratike”.
Me anë të një mesazhi të gjatë, Abilekaj thekson se prej 12 vitesh jeton në një apartament modest, të cilin e ka marrë me kredi në bankë dhe nuk ka asnjë lidhje me politikën.
MESAZHI I PLOTE:
Mbreme, teksa u perballa me nje akuze ne emisionin Open mendova se nuk duhet ta konsideroja, per faktin se behej fjale per nje shpifje banale. Te gjithe ata qe me njohin e dine se jetoj ne nje apartament modest prej 12 vjetesh per te cilin kam bashkepunuar vetem me banken ku mora kredine.
Ne ate kohe ne pushtet ishte Berisha dhe Basha ndersa Meta dhe Rama se bashku me mua ishin ne opozite. Nese opozita e atehershme do me kishte dhene shtepi, pra Rama, me logjike te thjeshte i bie qe nuk do beja opozite me Ramen dhe qeverine e tij sot. Nese do ma kishte dhene Berisha qe qeveriste 12 vjet me pare, nuk do mund te isha ne opozite me qeverine Berisha dhe nuk do isha ne nje front me PS qe nuk ishte bere akoma Rilindje.
Sot eshte e kunderta, Berisha, Basha dhe Meta jane ne opozite ndersa Rama ne pushtet. Per mua eshte njesoj, jam perseri ne opozite.
Ne opozite jo per meriten time, per merite te profesionit qe kam zgjedhur dhe vazhdoj ta respektoj dhe sigurisht i barazlarguar nga partite per merite te profesionit. Ne nje front me opoziten e sotme, por jo pjese e saj, madje mosbesues ndaj saj.
Ky sqarim nuk do te ishte i nevojshem ne nje ambient mediatik pa kamikaze te telekomanduar politikisht, qe perdorin shpifjet per te relativizuar apo zhurmuar mendimin kunder. U kerkoj ndjese atyre qe po lexojne keto radhe dhe atyre qe ndoqen dje sherrin banal ku u perfshiva une gabimisht. Ndoshta rashe pre e nje provokimi dhe shkela etiken profesionale, dhe bezdisa ata qe na ndiqnin per te degjuar opinione dhe mendime ne vend te sulmeve personale.
Diçka duhet bere qe te ndahen pazarxhinjte shetites nga gazetaret qe kerkojne te verteten dhe mbrojne interesin e vendit dhe publikut. Dicka e forte, qe te qartesoje dhe vleresoje profesionin tone, qe fijet qe e lidhin me pushtetin e parane e vjedhur te mos jene te padukshme per publikun. Qe fyerjet dhe sharjet personale te mos mbulojne dot pazaret dhe kulisat ne emer te nje profesioni, qe eshte pré e diktatit te regjimit po aq sa cdo profesion qe duhet te jete i lire. Duhet bere diçka e pangjashme me ate qe ndodhi mbreme.
