Strehimi i grave afgane në Shqipëri, Hillary Clinton telefonon kryeministrin Rama

Kryeministri Edi Rama ditën e sotme ka zhvilluar një bisedë telefonike me Hillary Clinton bashkëshortja e ish presidentit amerikan Bill Clinton.

Gazetari i Top Channel Muhamed Veliu ka mësuar se Clinton ka falenderuar Ramën për strehimin e disa grave afgane.

“Zonja Clinton përmes kësaj telefonate ka falenderuar kryeministrin Edi Rama për gatishmërinë dhe kujdesin e treguar në sjelljen në Shqipëri dy ditë më parë të 37 grave dhe vajzave afgane aktiviste të shoqërisë civile, mes tyre edhe ish gazetarja e Tolo TV Behishta Arghand”, u shreh ky burim.

Përmendim që një ditë më parë, media arabe “Al Arabiya” shkruante se 37 gra afgane u ndihmuan nga një OJQ e themeluar nga Hillary Clinton për t’u evakuuar në Shqipëri.

Avioni me 37 gra aktiviste dhe të afërmit e tyre meshkuj u ul në orët e para të mëngjesit të ditës së enjte. Fluturimi privat u caktua nga Vital Voices, tha zyrtari, një OJQ e themeluar nga Hillary Clinton dhe Madeleine Albright, e cika ka si qëllim fuqizimin e grave.

Ka qenë edhe vetë Rama që në disa intervista të dhëna është shprehur se organizata të ndryshme i kanë kërkuar Shqipërisë që të stregojë afganët.