“Sot nis beteja” Berisha pritet nga mbështetësit në hyrje të Kuvendit: Do shpëtojmë PD nga pazaret e turpshme të Bashës dhe Ramës

Ish-kryeministri Sali Berisha ka mbërritur në orën 10:00 në Kuvend.

Ai është pritur nga mbështetësit e tij, të cilët doli ti përshëndesë duke hipur mbi makinë.

Me ovacione të shumta, Berisha sulmoi drejtpërsëdrejti Lulzim Bashën, për të cilin  u shpreh se ka shitur partinë për interesa të fëlliqura.

“Sot nis beteja për shpëtimin e Partisë Demokratike, pazaret e Lulzim Bashës, Partia Demokratike do të dalë nga kjo betejë më e fortë se kurrë. Do ta shpëtojmë PD nga njeriu që ka shitur partinë e tij për interesa të flliqura. Rroftë Sali Berisha, rroftë Partia Demokratike. Njeriu që shet partinë Demokratike në pazare të fëlliqura me Edi Ramën. Është njeriu që do të marrë përgjigjen që meriton. Lëvizja ime e radhës është një lëvizje statutore. Lëvizjet janë të ndryshme, por emergjenca është kjo, Partia Demokratike do të vendosë legjitimitetin e grabitur nga Rama-Basha.”,-tha Berisha.