LIGJET E BIZNESIT
Kryeministri Edi Rama foli sonte dhe për “non grata-n” e Berishës nga SHBA-të, pasi ai ishte i pari që parashikoi se ish-kryeminsitri Berisha nuk mund të udhëtonte përtej oqeanit që në vitin 2019.
Ai u shpreh se për shkak të detyrës është në dijeni të shumë gjërave, por që nuk mund t’i thotë. I pyetur në lidhje me ndikimin e George Soros në “non grata-n” e Berishës, Rama tha se filantropisti e njeh ish-kryeministrin vetëm si emër dhe nuk e ka fare në radarin e shqetësimeve të tij.
“Për shkak të detyrës unë di edhe gjëra të tjera… S’kam asnjë koment për shpalljen e Berishës “non grata”.
Miliarderi Soros, Sali Berishën e di kush është si emër, dhe nuk e ka në radarin e shqetësimeve të tij. George Soros është një nga njerëzit që shqiptarët duhet t’i jenë mirënjohës. Ai ka qenë njeriu që ka investuar paratë e tij për të ndihmuar hapjen e shoqërive të mbyllura. Në Shqipëri ju sjell vetëm një fakt, faktin që me paratë e Sorosit janë ndërtuar apo rindërtuar 275 shkolla, 100 milion dollarë të investuara në vitet ’90. Unë e kam mik dhe jam shumë krenar që e kam mik. E kam thënë që edhe kur në Shtëpinë e Bardhë ishte Donald Trump”, tha Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
