Drejtuesi i Inspektorit të Lartë të Drejtësisë, Artur Metani, ka miratuar ujen, reduktimin e pagës në 40% për 2 gjyqtarë. Sipas tij, ata shkelën rregullat etike dhe disiplinore.
Mësohet se bëhet fjalë për Pajtime Fetahun, gjyqtare në Gjykatën e Elbasanit dhe Hektor Sinani gjyqtar në Gjykatën e Vlorës.
Bëhet me dije se hetimi për Sinanin dhe Fetahun ka nisur që në kohën e ILD-së së vjetër më pas dosjet i kaluan Ministrisë së Drejtësisë dhe shkeljet e tyre kanë mbetur pa hetuar.
Mësohet po ashtu se këto dy çështje janë trajtuar me prioritet pasi mund të digjej afati 5-vjeçar i hetimit.
Po ashtu, mediat bëjnë me dije se ILD ka deklaruar se është duke hetuar 18 magjistratë dhe prokurorë të tjerë për shkelje të ndryshme.
