Ish-drejtori i Ujësjellësit në Vlorë Shkëlqim Leskaj si dhe zyrtarë të tjerë të Bashkisë kanë përfunduar në polici.
Ai ka dorëzuar dorëheqjen më 6 gusht.
Mësohet se mes drejtuesve të Bashkisë dhe Ujësjellësit të qytetit bregdetar ka patur një sherr.
Informacione bëjnë me dije se situata ka agravuar pas mbledhjes, ku ish-drejtori i Ujësjellësit Shkëlqim Leskaj, i cili ka dhënë dorëheqjen disa javë më parë, nuk ka pranuar të lirojë zyrën.
Policia ka shoqëruar në komisariat Leskajn dhe disa zyrtarë të tjerë të bashkisë, ndërkohë që mësohet se në polici ka shkuar edhe kryebashkiaku Dritan Leli për të sqaruar situatën.
