Sherr me ar më mes shqiptarëve në Trieste, plagosen 8 persona

Të shtëna me armë janë shënuar këtë të shtunë në afërsi të një lokali në qendër të Triestes në Itali. Mediat italiane shkruajnë se të paktën tetë persona janë plagosur.

Sipas hetimeve paraprake, sherri që agravoi në përdorimin e armëve ka ndodhur mes shqiptarëve nga Kosova dhe Shqipëria, të cilët punojnë në këtë zonë.

Ata janë grindur me njëri-tjetrin si pasojë e mosmarrëveshjeve për punësimin. Fillimisht grupet me shumë persona janë përleshur me sende të forta dhe më pas dikush ka nxjerrë armën dhe ka qëlluar.

Si pasojë e të shtënave tetë persona kanë mbetur të plagosur, njëri prej tyre konsiderohet në gjendje më të rënduar shëndetësore. Në vendngjarje mbërritën karabinierët dhe shumë ambulanca. E gjithë zona është bllokuar nga policia.