Kryeministri Edi Rama deklaroi sot se do të ketë rritje rroge për forcat e emergjencave civile të cilët gjatë muajit gusht u përballën me zjarre masive në të gjithë Shqipërinë.
Ai u shpreh se kjo gjë kurrë nuk do të jetë e mjaftueshme për sa kohë u kërcënohet jeta por e cilësoi një motiv më shumë për të bërë një punë më të mirë.
Kreu i qeverisë paralajmëroi dhe gjykatësit që të japin vendime të drejta për ata që vënë zjarre, duke u kujtuar se vendimet e tyre do u shërbejnë edhe fëmijëve të tyre, duke u kthyer në shembull për të tjerët.
“U shpreh ngushëllimet publikisht dy djemve që humbën prindërit në tragjedinë për shkak të zjarrit. U shpreh mirënjohjen, respektin, vlerësimin e mundshëm dhe atyre që u angazhuan në këtë muaj zjarri dhe manifestuan një ndjenjë të lartë sakrifice dhe përkushtimi. Këtu kam parasysh të gjitha forcat e angazhuara në terrene të vështira. Forca të armatosura. Zjarrfikëse, policore, ato vullnetare, Forcat e administratës dhe zonave të mbrojtura dhe ata që mbështetën këtë përpjekje me ambulancat e urgjencës kombëtare, Ajo që mbetet sot është nga njëra fuqia e shembullit të të gjithëve. Por duke vazhduar deri në fund. Ministri preku disa aspekte.
Nuk do zgjatem me shtjellimin e tyre por dua të them me bindje se çfarë kemi parë deri tani për të parë me optimizëm rezultatin përfundimtar të këtij procesi. Ishte një muaj zjarresh që përfshiu botën dhe duke u afruar këtu te ne. Vuri në pozitë të vështirë vende të afërta që janë mësuar me sfidën e zjarreve të përvitshme dhe kishin nevojë për ndihmë. Këtu kam parasysh Italinë,. Greqinë dhe Turqinë.
Janë tre vende me struktura nga më të jashtëzakonshmet të mbrojtjes civile që i janë gjendur Shqipërisë gjithmonë kur ka pasur nevojë për mjete por këtë herë e kishin të pamundur dhe kishin nevojë vetë për ndihmë. Ky është një nga shembujt kuptimplotë të rëndësisë së madhe që ka marrëdhënia jonë me BE dhe që ka BE për jetën tonë jo thjesht në aspektet e standardeve por edhe në aspektin jetësor që prek drejtpërdrejtë jetën dhe kërcënon fizikisht. Kjo do të thotë që Shqipëria nuk përbën përjashtim. Nuk është e rastësishme që BE ka ngritur një mekanizëm të brendshëm për të asistuar shtetet që janë në emergjencë. Dua të shpreh një falënderim të posaçëm sot.
Ky falënderim nuk është formal dhe as diplomatik. Nuk është as një falënderim për dy ambasadorë. Unë sot dua që edhe Luigin edhe Yurin t’i përmend pasi gjatë periudhës së gushtit kanë qenë të vëmendshëm dhe të interesuar për të marrë vesh si shkoi dita qoftë për të thënë në fillim të ditës si shkoi dita sot. Dua t’i falënderoj të dy për ndihmën që dhanë duke vënë në dispozicion të operacioneve për fikjen e vatrave të zjarrit edhe në terrene të vështira, disa mjete speciale që e lehtësuan punën e trupave tona në terren.
Për ta mbyllur me falënderimit, falënderoj ministrin sepse ka nderuar qeverinë në këtë muaj sfidues duke qenë ditë natë pranë trupave, duke u gdhirë në jug dhe duke u ngrysur në veri duke motivuar edhe drejtuesit e tjerë. Ky është modeli që të gjithë ne kemi detyrimin të kemi parasysh sa herë sfidat bëhen të tilla që i vënë njerëzit në pozitë. Kur shohin autoritetet dhe titullarët aty bashkë me ta sfida bëhet më e lehtë.
Rolin thelbësor e keni ju që jeni aty në rreshtat e pasëm dhe ata që janë me uniformë për të përfaqësuar këtu një trupë shumë të madhe që arriti të shpëtojë jetë njerëzish duke parandaluar përmasa katastrofike. Vlerësimet që ne japim sot këtu, unë kam nderin të shpreh mirënjohje me medaljen e artë për forcën tokësore për shërbimin profesional.
Dua t’u them të gjithëve, duke filluar nga trupa e re e agjencisë kombëtare civile, ne do të bëjmë atë që duhet për të rritur edhe pagën që nuk do jetë asnjëherë e mjaftueshme sepse nuk është e mjaftueshme askund kur kërcënohet jeta por është një motiv më shumë”, tha Rama.
