Një rast i pazakontë është hasur ditën e djeshme nga mjekët e spitalit të Kosovës.
Bëhet fjalë për një 33 vjeçar, i cili ka kërkuar ndihmë për të nxjerrë një telefon të cilin e kishte gëlltitur.
Tashmë është zbuluar arsyeja e këtij veprimi të çuditshëm.
Mësohet se 33 vjeçari ka qenë i burgosur në Qendrën e Paraburgimit në Mitrovicë dhe e kishte gëlltitur telefonin për mos t’u rënë në dorë gardianëve.
Shtetasi A.A., nga Fushë Kosova, është i dënuar me katër vjet burgim për kryerjen e veprës penale “Vjedhje e rëndë” dhe më datën 30.08.2021, ka kërkuar ndihmë mjekësore nga stafi i sigurisë së burgut duke deklaruar se ka gëlltitur një telefon.
“I burgosuri në fjalë ka treguar se e ka gëlltitur telefonin mobil dhe ka kërkuar ndihmë mjekësore, i cili menjëherë është dërguar në Spitalin Rajonal Mitrovicë për trajtim, i është bërë fotografimi”, ka deklaruar Florent Gashi, zëdhënës në Shërbimit Korrektues të Kosovës.
Më pas ai “është nisur menjëherë për në SHSKUK”, ka treguar Gashi.
Aashtu edhe siç u bë publik lajmi të hënën nga vet stafi mjekësor që morrën pjesë në këtë intervenim.
Mjekët gastronologë kanë nxjerrë pa operacion celularin e tipit “Nokia”, të ndarë në tri pjesë, me rrugë endoskopike, pa e prerë lukthin.
“Pamë që ishte telefoni i ndarë në pjesë tri pjesë. Nga të gjitha këto pjesë bateria është më e rrezikshmja sepse mund të shpërthente. Nuk e kemi operuar por me rrugë endoskopike, nga goja e kemi nxjerrë telefonin”, ka thënë Skender Telaku, gastroenterolog në QKUK.
