LIGJET E BIZNESIT
Drejtori përgjithshëm i ‘News 24’, Robert Rakipllari, i ftuar në emisionin ‘Real Story’ me gazetarin Sokol Balla ka komentuar vendimin për përjashtimin e Sali Berishës nga Grupi Parlamentar.
Rakipllari e konsideroi të padrejtë vendimin për shpalljen ‘non grata’ të ish kryeministrit, por theksoi se Berisha nuk duhet t’ia kalonte këtë peshë të madhe Bashës, por ishte ai që duhej ta merrte këtë vendim. Më tej ai theksoi se marrja e këtij vendimi e afron Bashën më shumë me SHBA-në dhe e bën atë një kandidat për kryeministër duke hequr pengesën e vetme, Berishën.
“Unë them që vendimi per te shpallur ‘non grata’ Sali Berishën, është një vendim i padrejtë. Pse pas 9 viteve pushtet të bëhet vetëm për Berishën. Ky nuk është një person që kandidon për ndonjë post, është në pension politik. Përderisa SHBA e ka marrë këtë vendim, nuk mund të bëhen transparente arsyet. Berisha nuk duhet t’ia kalonte këtë peshë të madhe Bashës, por ta merrte vetë këtë vendim.
Nëse PD vjen në pushtet edhe mund ta negociojnë për shkak të historisë. Akti duhej të ndërmerrej nga Berisha. Basha e tha edhe sot që Berisha është trashëgimia e PD-së. Basha sot ka ndërmarrë një akt politik që e afron me SHBA, e bën atë kandidat për kryeministër duke i hequr pengesën e vetme. PD tregoi që kishte mbështetje gjatë zgjedhjeve dhe e vetmja pengesë ishte Berisha”- tha Rakipllari.
(BalkanWeb)
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
