LIGJET E BIZNESIT
Dhjetëra familje të lagjes Belebe në periferi te qytetit të Elbasanit pas bllokimit të hyrjes së rrugës në Unazën Jugore në drejtim të zonës ku ata jetojnë prej më shumë se 30 vitesh kanë organizuar një protestë ditën e sotme.
Sipas tyre, situata e krijuar është e paprecedentë dhe autoritetet nuk kishin paralajmëruar bllokimin e hyrjes së rrugës kryesore që e lidh lagjen e tyre me rrugën kombëtare dhe qendrën e qytetit.
Banorët protestues kanë shkatërruar të gjitha barrierat e vendosura në hyrje të rrugës që të çon në lagjen Belebe dhe kanë kërkuar zgjidhjen e menjëhershme të situatës.
“Nuk dimë se kush ka urdhëruar dhe as se kush e ka bllokuar hyrjen e rrugës e cila është e vetmja që ekziston për qarkullimin me automjete në këtë lagje”, thanë protestuesit.
Komuniteti i lagjes “Emin Matraxhiu” pjesë e të cilës është “Belebe” kërkon që bashkia t’i japë zgjidhje këtij problemi dhe jo të qëndrojë në heshtje.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
