LIGJET E BIZNESIT
Pas vendimit që mori lideri opozitar Lulzim Basha për ta përjashtuar nga grupi parlamentar i PD, ish-kryeministri Sali Berisha ka shpërthyer keq ndaj tij.
Ai gjithashtu është vënë në lëvizje që pas daljes nga seanca e parë plenare që u zhvillua sot.
Berisha theksoi se do të bënte gjithçka për të rikthyer në vend sovranitetin e partisë, i cili sipas tij është hequr për shkak të marrëveshjes që ka lideri demokrat Lulzim Basha me Ramën.
Lideri historik i PD ka takuar në zyrën e tij Edi Palokën, Flamur Nokën dhe Tritan Shehun. Ndërkohë, duket se ai ka filluar të lëvizë për të ndëshkuar Bashën. I ftuar në Abc Live përballë gazetares Juli Xhokaxhi, Lisandër Hoxha, ish-nënkryetar i FRPD dhe ish-anëtar i Këshillit Kombëtar të PD-së, paralajmëroi një mbledhje të këtij organizimi të rëndësishëm të partisë pa dijeninë e kryetarit Basha, përmes të cilit ai të shkarkohej.
Do të duhen 25% të firmave të anëtarëve të këtij këshilli për të mundësuar organizimin e tij, por me Edi Palokën në krye që u radhit krah Berishës, kjo nuk duket një mision i pamundur.
