Mëngjesin e sotëm kryeministri Edi Rama e ka nisur duke nxjerrë pamjet nga kantieri i Ekoparkut të madh të Durrësit.
Sipas tij, kjo zonë po merr formën e një oazi të ri kreativ.
Bëhet fjalë për Porto Romanon, një zonë të ndotur, në fokus shpeshherë të kronikave jo vetëm në mediat vendase.
Numri një i qeverisë shkruan se së shpejti do të jetë një hapësirë e gjelbëruar me kënde sportive etj.
“MIRËMËNGJES
dhe me këto pamje të kantierit të Ekoparkut të Madh të Durrësit që po merr formën përfundimtare, si një oaz i ri rekreativ i qytetit aty ku deri dje xhiroheshin kronikat më të zeza të mediave ndërkombëtare për bombën mjedisore, ndërsa së shpejti do të jetë një hapësirë e gjelbëruar, me kënde sportive, zona pushimi e parkimi, bare dhe restorante për të kaluar ditën bashkë me fëmijët, ju uroj një ditë të mbarë”, shkruan Rama.
