Një plagosje me armë zjarri ka ndodhur këtë paradite në qytetin e Shkodrës. Gazetari Senad Nikshiqi raporton për “BalkanWeb” se ka mbetur i plagosur shtetasi Nikolin Upa, rreth 45 vjeç.
Ngjarja ka ndodhur në afërsi të Shkollës Pyjore, ku gazetari Nikshiqi sjell dhe pamjet e para në redaksinë e “BalkanWeb”, e cila shihet se është rrethuar nga policia.
Mësohet se 45-vjeçari ka marrë dy plumba në këmbë dhe është dërguar në Spitalin e Shkodrës, ku ndodhet jashtë rrezikut për jetën. Policia ndodhet në vendngjarje dhe po punon për identifikimin dhe kapjen e autorit, ndërsa nuk dihen ende arsyet e plagosjes.
