Policia e Lezhës ka konfirmuar se 21-vjeçari Aldi Rama ka plagosur veten dhe ndodhet në gjendje kritike për jetën.
“Aldi Rama nuk i është përgjigjur thirrjes së Policisë për t’u dorëzuar, por është vetëplagosur me armën e tij. Aktualisht po transportohet nga forcat e Policisë për në spital, në gjendje kritike për jetën.
Në vendngjarje është sekuestruar arma e krimit dhe telefoni i tij celular”, sqaruan uniformat blu.
Oficeri i Krimeve Saimir Hoxha mbeti i vdekur mëngjesin e sotëm nga një plumb në zemër i qelluar nga autori i dyshuar, Aldi Rama, teksa po kryente një operacion kontrolli te territorit per kultivim të bimeve narkotike.
NJOFTIMI ZYRTAR I POLICISE
Në lidhje me ndjekjen, lokalizmin dhe kapjen e autorit të vrasjes së oficerit të Policisë, forca të shumta të Policisë së Shtetit, prej disa orësh ndjekjeje me helikopter dhe nga toka, kanë bërë të mundur lokalizimin e autorit të ngjarjes, i cili ishte fshehur në zonën e kënetës në “Lagunen Vain”.
Forcat e Policisë kanë krijuar perimetrin e sigurisë dhe i kanë bërë thirrje autorit që të dorëzohej, por autori i ngjarjes, shtetasi Aldi Rama nuk i është përgjigjur thirrjes së Policisë për t’u dorëzuar, por është vetëplagosur me armën e tij. Aktualisht po transportohet nga forcat e Policisë për në spital, në gjendje kritike për jetën.
Në vendngjarje është sekuestruar arma e krimit dhe telefoni i tij celular.
