Sipas MeteoAlb, territori shqiptar mbetet me alternime kthjellimesh dhe vranësirash, ku më të dukshme do të jenë në orët e mesditës dhe lagështira e lartë në ajër do të ndihmojë në krijimin e shirave të papërfillshëm dhe të izoluar. Ndërsa paraditja dhe mbrëmja në vendin tonë do të jenë kryesisht në ndikimin e motit të kthjellët dhe kalimeve të lehta të vranësirave.
Temperaturat e ajrit do të bien në mëngjes, dhe mesditë duke luhatur vlerat ditore nga 10°C deri në 28°C.
Era do të fryjë mesatarisht me shpejtësi mbi 45 km/h nga drejtimi Verior – Veriperëndimor duke krijuar në brigjet detare dallgëzim 4 ballë.
