“O zyshe je super p**, të kam …” Videoja skandaloze me fjalor banal në klasë, reagon drejtoresha: Në shkollë hynë e dalin si pëllumba

Një video skandaloze dhe me fjalor banal mes nxënësve ka shkaktuar një sërë reagimesh në rradhët e opinionit publik.

Pamjet janë xhiruar në një shkollë 9-vjeçare në Shqipëri, madje dhe në sy të mësueses.

Ndërkohë ditën e djeshme në një program televiziv është diskutuar për ketë temë, ku e ftuar ka qenë dhe drejtoresha e shkollës “Misto Mame” në Tiranë, Ariana Maçi.

Ajo ka dalë në mbrojtje të mësueses, duke u shprehur se sjellja e nxënësve është pasqyrë e problemeve të prindërve. Sipas saj, në shkollë fëmijët “hyjnë e dalin si pëllumba”, teksa shtoi se prindërit marrin njoftime çdo ditë sesa orë ka qenë fëmija i tyre në shkollë.

“Kjo nuk është qasja e shkollave tona. Në shkollat tonë hyjnë e dalin fëmijë si pëllumba. Sjellja e fëmijës është pasqyrë e problemeve të prindërve. Ne komunikojmë çdo ditë me prindërit e fëmijëve. Çdo fëmijë sot kur ka vajtur në shtëpi, babai ka lexuar në telefonin e tij sesa orë ka qenë në mësim fëmija”, u shpreh ajo.