LIGJET E BIZNESIT
Pas takimit me kryetarin e Partisë Demokratike Lulzim Basha, ambasadorja amerikane Yuri Kim ka folur për situatën e krijuar brenda kësaj force politike.
Ajo ka rikonfirmuar faktin që SHBA e mbështet PD, dhe se demokratët duhet të dalin më të fortë nga kjo gjendje, pas përjashtimit të ish-kryeministrit Sali Berisha nga grupi parlamentar.
Yuri Kim u shpreh se qëndrimi i SHBA-së për luftën kundër korrupsionit, është parë në opinionin publik si një sulm kundër demokracisë së Shqipërisë. Ajo tha se ky është një qëndrim i gabuar dhe ofendues.
Kryediplomatja paralajmëron se askush nuk do të mundë të kthejë popullin shqiptar kundër SHBA-së.
“Demokracia përkufizohet nga të pasurit një parti të lirë dhe opozitarë të fortë. Gjithashtu e kuptojmë mirë që PD ndodhet në një situatë të vështirë, por shpresojmë që të dalë më e fortë dhe më e bashkuar dhe shpresojmë të kthehet më e fortë për të fituar zgjedhjet. Gjithashtu dëshiroj të konfirmoj që përsa i përket Uashingtonit, ne jemi serioz në luftën kundër korrupsionit, jemi të gfatshëm ta sulmojmë atë pavarësisht rangut dhe posteve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kam parë disa raporte shqetësuese që ajo që ka ndodhur për përcaktimin e rasteve dhe marrëdhënieve të SHBA-së për të sulmuar demokracinë e Shqipërisë. Është e gabuar dhe ofenduese. Në fakt dua të kujtoj që në 6 maj 1920 kur të gjithë donin që Shqipëria donin të shuhej nga faqja e dheut, Presidenti amerikan tha që Shqipëria është e pavarur. Shqipëria do të vijojë më e fortë sovrane. Kushdo që do të vendosë SHBA-në kundër popullit shqiptar, e keni gabim. Populli shqiptar e di që e keni gabim. Pozita jonë përsa i përket sovranitetit të Shqipërisë nuk ka për të ndryshuar.
Pozita jonë kundrejt PD-së nuk do të ndryshojë. Mbetet shumë punë për të bërë në javët në vazhdim. Është thelbësore që PD është rikthyer në Kuvend plotësisht. Ka veprime që duhen ndërmarrë që të kemi zgjedhje më të mira herën e ardhshme për të trajtuar mangësitë që janë identifikuar në raportin e ODIHR. Duhet bërë punë për reformën territorial dhe në luftën kundër korrupsionit. E gjithë kjo kërkon që të ketë një PD të fortë dhe të bashkuar, por nuk mund të bëhet përpara nëse një këmbë është prapa. Ne presim që të ecim përpara me popullin e Shqipërisë, kështu që le të ecim përpara” – tha Kim.
