“Një lëvizje e madhe” Pas përjashtimit të Berishës, Spartak Ngjela parashikon zhvillime të bujshme

Avokati i njohur Spartak Ngjela ka deklaruar se pritet një rritje e ndikimit të Lulzim Bashës në skenën politike, pas vendimit të tij për të përjashtuar Sali Berishën nga grupi parlamentar i Partisë Demokratike.

Sipas tij, Amerika nuk ka besim te PS, por e ka mbështetur Edi Ramën si e keqja më e vogël për shkak të Berishës.

Ngjela tha në programin “Breaking” se Basha ka bërë lëvizje të madhe dhe do të fuqizohet.

“Basha e ka kuptuar se me këtë goditje ndaj Berishës, ndihmon karrierën e tij. Ai që do paguajë më shumë, është Edi Rama. Nuk ka shumë besim Amerika tek PS, por e kanë mbajtur sit ë keqen më të vogël.

Ishte Berisha, SHBA nuk besonte tek Berisha. Berisha ka qenë kundër frymës amerikane. Kemi një risi. Risia është Basha. Tani do shohim si do të luajë, por ka bërë lëvizje të madhe”, tha Ngjela.