“Nëna e tij është mashtruese” Ish-dhëndri i vrau vajzën, babai i Sabrinës akuzon krushqit: Ata janë bukëshkelur, plehra të shoqërisë

Babai i 23-vjeçares Sabrina Bengaj i cili u vra në Fier nga ish-bashkëshorti i saj Elton Metaj ka dalë sot në një intervistë televizive.

I revoltuar për atë që ndodhi, Partizan Bengaj ka mohuar që të ketë kërcënuar ish-dhëndrin e tij, sikurse ky i fundit ka thënë.

Madje ai gjithashtu lëshoi “live” akuza të forta dhe për familjen Metaj.

“Gjëja e parë, familja Metaj, para se të flisja unë këtu, s’duhet të dilte para në televizor. Zonja Sabire, që e para është mashtruese, intrigante, pohoi se ishte gënjeshtare, s’duhet të dilte në tv. Ato që përmend Eltoni i kam të dokumentuara.

Në datën 1 kam qenë para Prefekturës, s’kam kërcënuar njeri. Ku do të vetëmbrohej ai? Në shtëpinë time. Ata janë bukëshkelur, plehra të shoqërisë. Kundër grave nuk qëllohet. Unë bëra divorcin e vajzës dhe nuk më interesonte më se çfarë bënte. Me një pis të tillë se donin më as qentë e rrugës, dhe jo më ime bije.

Si dhëndër i kam dhënë bukë dhe e kam ndihmuar. Edhe i ati e di shumë mirë. Mos të dalin më në televizor. Kush kanë qenë këta policë që kanë firmosur. Deri sa më iku ime bijë, do i marr para të gjitha gjërat. Me këta plehra nuk dua asnjë komunikim. Se kam kërcënuar. I kam dhënë urdhër familjes që ai të takonte vajzën, se kishte të drejtë.”, tha ai.