“Në orën 9 isha në zyrën e tij” Ramush Haradinaj rrëfen çfarë i ndodhi sot me Albin Kurtin

Kryetari i Aleancës për Ardhmërinë e Kosovës Ramush Haradinaj ka folur pas mungesës së tij në takimin që kryeministri Albin Kurti zhvilloi sot me krerët e PDK dhe LDK për situatën në veri të vendit.

Ai thekson se: “i jam përgjigjur kërkesës për takim me Kryeministrin në orën 9 dhe unë në këtë orë isha në zyrën e tij, por ai nuk ishte aty! Takimi do të duhej të ishte informativ për situatën e sigurisë në veri”.

Haradinaj shprehet se qendrimi i tij është i qartë dhe nuk ndryshon kurrë, pavarësisht nëse kryeministri vjen në takim apo jo.

“Kosova duhet të mbrohet edhe me jetë. Gjithmonë me mbrojtësit e Kosovës! Unë kam qenë dhe jam në Kosovë dhe për Kosovën në çdo kohë dhe situatë”.

Nga ana tjetër Haradinaj thekson se koordinimi me aleatët tanë duhet të jetë i përhershëm.

Postimi i plotë:

I jam përgjigjur kërkesës për takim me Kryeministrin në orën 9 dhe unë në këtë orë isha në zyrën e tij, por ai nuk ishte aty!

Takimi do të duhej të ishte informativ për situatën e sigurisë në veri.

Qëndrimi im për situatën në veri është i qartë dhe ai nuk ndryshon kurrë, pavarësisht nëse vjen kryeministri në takim apo jo!

Kosova duhet të mbrohet edhe me jetë.

Gjithmonë me mbrojtësit e Kosovës!

Unë kam qenë dhe jam në Kosovë dhe për Kosovën në çdo kohë dhe situatë.

Koordinimi me aleatët tanë duhet të jetë i përhershëm!