LIGJET E BIZNESIT
Politikani dhe biznesmeni i njohur shqiptar Ilir Dashi është ndarë nga jeta në mënyrë të parakohshme.
Ai ka shërbyer në disa detyrë të rëndësishme shtetërore, ndërsa ka qenë i angazhuar dhe me LSI, ku ka drejtuar dhe degën e kësaj partie në Tiranë.
Karrierën e tij fillimisht e nisi si aktor filmash, e vazhdoi si biznesmen me përfaqësinë e kompanisë Orbit.
Gjithashtu ai ka mbajtur postin e drejtorit të QSUT, si dhe të drejtorit të hekurudhës.
Por më pas Dashi zgjodhi që bashkë me Estelën, bashkëshorten e tij, të largoheshin nga Shqipëria, drejt Afrikës, ku Stela, kishte fituar në një projekt ndërkombëtar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
E pikërisht në kontinentin e largët, mori vesh për sëmundjen e pashërueshme që po ia merrte ditët një nga një. Ndaj vazhdoi andej dhe për pak kohë, për të vendosur pak javë më parë të kthehej në mënyrë përfundimtare në Shqipëri, që ditët e fundit të jetës, t’i kalojë pranë të dashurve dhe të vdiste në vendin e tij.
Kështu, ditën e sotme, me dhimbje, miq e shok ndajnë lajmin tragjik të largimit të tij të parakohshëm nga jeta. Ceremonia e varrimit për ti dhënë lamtumirën e fundit do të mbahet nesër, të hënën, në 20 shtator në orën 11.00.
