“Mu duk interesant” Arian Çani e thotë troç: Ja çfarë do ti thoja Bashës nëse do isha këshilltar i tij

Gazetari i njohur Arian Çani u shpreh sot se ka parë kryetarin e Partisë Demokratike Lulzim Basha në parlament të dëshpëruar.

Sipas tij kjo gjë ka lënë të kuptohet se kryeministri Edi Rama do të qendrojë gjatë në pushtet.

Çani u shpreh se kryedemokrati në këtë periudhë po vuan dyfish dhe kjo për shkak se po sheh një Ramë më të fortë tani dhe një Berishë jashtë partisë.

“Basha mu duk interesant në parlament, si fakti që është dobësuar shumë, duken si të parëndësishme, por kjo tregon stres. Të gjithë ata që e shohin e kuptojnë që Basha është i kthjellët sepse tha “e di që do të jetë shumë e vështirë të mbahet ky pushtet”.

Në pushtet po i mbajnë amerikanët dhe nëse ata do ishin neutralë do ishim në një situatë krejt tjetër. Basha mu duk i dëshpëruar. La të kuptohet që Rama do të jetë gjatë në pushtet saqë do të jetë e vështirë. Njerëzit e kanë bërë zgjedhjen e tyre. Basha la të kuptohet se nuk ka më shpresë të përmbyset ky pushtet.

Sa më shumë të vazhdojë Basha kështu i përulur do bëhet gjithnjë e më interesant. Ky Bashë që pamë tani më intrigon. Nëse do isha këshilltar i tij do ti thoja që duhet të mendojë për strategji të errëta. Ai po vuan disafish tani sepse po sheh një Ramë më të fortë tani dhe një Berishë jashtë partisë.”, tha Çani nga studio e lajmeve të MCN TV.