Mori ryshfet nga vajza e pacientes me virus, ja çfarë ndodhi me ish-sanitaren Tire Alldervishi

Prokuroria e Tiranës ka dërguar për gjykim ish-sanitaren e spitalit Shefqet Ndroqi, Tire Alldërvishi. Po ashtu, për gjykim janë dërguar edhe infermierët e tjera të këtij spitali, për akuzat e shpërdorimit të detyres dhe mashtrimit.

Alldervishi, e cila punonte sanitare në spitalin COVID 2, u arrestua pas denoncimit të berë nga vajza e një pacienteje të shtruar me koronavirus, të cilës i kishte marrë një shumë prej 8 milionë lekësh duke u hequr si infermiere në këmbim të shërbimit ndaj saj.

Pacientja ndërroi jetë nga koronavirusi.Trajtimi çnjerëzor është zbuluar nga bisedat me të bijën e të ndjerës.

Sanitarja Tire Alldervishi u lirua nga burgu dhe u dënua me masën e arrestit shtëpiak, teksa kishte kërkuar edhe zbutjen e kësaj mase të ndërmarrë, kërkesë e cila iu refuzua.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern