Mirditë/ Makina del nga rruga, plagoset pasagjerja, ja cfarë i ndodhi shoferit

Një aksident është shënuar mëngjesin e sotëm në Mirditë. Burime zyrtare konfirmojnë se një mjet ka dalë nga rruga dhe për pasojë është plagosur një grua. Në pranga ka përfunduar shtetasi me inicialet F. Ll., 59 vjeç, banues në Mirditë.

Ky shtetas, duke drejtuar mjetin tip “Benz”, në një rrugë dytësore në Mirditë, ka humbur kontrollin e mjetit dhe për pasojë ka dalë nga rruga.

Dëmtime ka marrë pasagjerja në këtë mjet, shtetasja me iniciale B. D., 55 vjeçe, e cila ndodhet në Spitalin e Traumës Tiranë, nën kujdesin e mjekëve.